* فى الغربة احساسك مختلف
،الدنيا كأنها سينما(3D)،،،
اضرب نضارتك ، أمشى وأتفرج ، طوف وشوف
العجب ، لف واتأمل فى خلق الله ،تتوه فى دروبها ،تدوب جوا روحك الفاضية ، دايما
على شفايفك طعم وجع! ، انت بطل الفيلم ده ، والسكريبت بيقول ان الدنيا خطفتك من
بطن أمك ، وعمرك ما هاتعرف إمتى هاتفرج عنك ،أصلها لعبة كبيرة وليها شروطها
وقواعدها..وأنت وافقت م الأول انك تلعبها...بس اللى تعرفه انك لازم تدفع، تدفع أى
حاجة على حسب ما الدنيا تطلب..ممكن يكون مقابل إفراجها عنك هو :عمرك ، صحتك
،أحبابك ،أو أى شئ هى تقرره..
* جرب مرة تركب تاكسى ،
روح مشوار بعيد ، ورجع راسك ورا ،غمض عنيك واحلم ،اتخيل انك قاعد على شط ،وساند
دماغك على الرمل ،والهوا بيلمس وشك....استرجع كل ذكرياتك ، ولما تجيلك نسمة هوا
حلوة ،خد نفس عميـــــق و افتكر أحلى ذكرياتك..وعيش جواها بجد وأفرح ،أرقص ، وأفتكر كل حاجة حلوة فى
حياتك،،،، ولما دواير دخان سيجارتك تخنقك ،هاتجيلك ذكرياتك الحزينة.. مش عيب إنك
تحزن ، طلع كل آهه جوا قلبك ،اتسنكح جوا حوارى حزنك..، واوعى تخدع نفسك إنك فرحان ،
عارف ليه؟.. علشان فيه حاجات عمرك ما هاتعملها تانى..وناس تاهت منك عمرك ما
هاتشوفها تانى... وأيام ضاعت عمرها ما هاترجع تانى..........لكن خلى فى أمل دايما انك
زى ما ضاع منك أولانى ، اكيـــــد هاتلاقى تانى...هى الدنيا كدة ،بتاخد وتدى..وتدى
وتاخد!
إحزن براحتك ،إحزن على
قد ما تقدر..طلع كل غضبك وحزنك ..
علشان تفضى مكان للأمل جوا قلبك، وعلشان تصحّى العروق اللى اتجمدت جواه .. خلى قلبك يتملى حياه وأمل فى بكرة..الحياه عمرها قصير، واصبر على قد ماتقدر ،، ولاحظ ان ديننا كله مبنى على الصبر وعلى الامل فى ربنا، واكيد طول ما احنا بنحسن الظن بربنا عمره ابداَ ما هيخذلنا....ممكن تضيق وتضيق.. وهاتفضل تضيق ،لكن أكيد فى يوم هاييجى الـبـــــــــــراح....
علشان تفضى مكان للأمل جوا قلبك، وعلشان تصحّى العروق اللى اتجمدت جواه .. خلى قلبك يتملى حياه وأمل فى بكرة..الحياه عمرها قصير، واصبر على قد ماتقدر ،، ولاحظ ان ديننا كله مبنى على الصبر وعلى الامل فى ربنا، واكيد طول ما احنا بنحسن الظن بربنا عمره ابداَ ما هيخذلنا....ممكن تضيق وتضيق.. وهاتفضل تضيق ،لكن أكيد فى يوم هاييجى الـبـــــــــــراح....
ماهو كمان الدنيا فيها
كل حاجة وعكسها ، مش كلها حلو ولا كلها مر ، وحكمتك فى إنك فى فرحك افتح كل شريان
فى قلبك وعيــــــــش.....وفى حزنك ، دايماَ فضى مكان فى قلبك للأمل ....
وبعد ما تنزل م التاكسى
، ماتفتكرش إن الفيلم انتهى......الفيلم بجد لسه هايبتدى! ... ياريـــــــت تحاول
بكل حتة فى قلبك تخلى نهايته سعيدة,,,,,,,,,
محمد سعد
10:46 م
27-2-2012

ليست هناك تعليقات:
إرسال تعليق