المتابعون

السبت، 14 ديسمبر 2013

عن الأوغاد صحاب السوء
وعن شلة بتجمع بين
(تجارة وهندسة وحقوق)
وعن لمتنا ليلة العيد
وعن خطة ريال مدريد...
وعن علبة سجاير " كينت " تتفرتك ف فيلم جديد
وعن قهوة زيادة تقيل
وسقعة ف كوبري قصر النيل
وعن بوسة بنسرقها ف اخر كرسي ف السيما
وعن سحلتنا ف الساقية عشان نحضر بلاك تيما
وعن واجب ف يوم فرحك ف غاية قلة القيمة
وعن لبس ف دولاب صاحبك تشُك بانه ده بتاعك
وعن تهريج قلَب بغباء فسايب جرح ف دراعك
وعن ( من بكره هنصلي )
وننسى نصلي كالعادة
واول يوم تشوف صاحبك
ببدلة جيش وببيادة
وعن افلام محمد خان ، وعن انغام
وعن نفس السؤال اياه ( جايب جذمتك دي بكام ) ؟
وعن جو المراكبية " تعالي اتفضل اشرب شاي "
وعن طلعتنا ع الساحل و ( مين قال جاي )
وعن ضحكة سعاد حسني ، وعن الحان عمر خيرت ، وعن البوم منير الجاي
وعن احلام حاولنا كتير نحققها وماقدرناش
وعن اوقات صحيح صعبة
لكن ليها لزوم تتعاش
وعن كل الحاجات الصح ف الدنيا
عن الشلة اللي انا منها
ومهما باقول دي ناس صايعين
يلاقوا مصيبة نعملها
الاقي نفسي قولت "امين"
يا اصحابي
يا اصيع خلق ف الدنيا
انا ممتن ليكوا بجد
علي وقفتكوا وقت الجد
وع السر اللي ف صدوركم
ولا قولتوه ف مره لحد
أشكركم
وبأمركم تكونوا معايا للآخر
بضحكتكوا اللي بنت بنوت

عن العشرة اللي عاوزة تعيش
ف وقت مافيه حاجة مش بتموت .

الأربعاء، 4 ديسمبر 2013

جيفارا مات

جيفارا مات
شعر : أحمد فؤاد نجم
غناء : الشيخ إمام


-------------------------------------
جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات
جيفارا مات
جيفارا مات
و اتمد حبل الداردشة و التعليقات
********
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات
********
ما رأيكم دام عزكم
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين (1)
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع (2)
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال
*******
يا شغالين و محرومين
يا مسلسلين (3)
رجلين و راس
خلاص خلاص
مالكوش خلاص
غير البنادق و الرصاص
دا منطق العصر سعيد
عصر الزنوج و الامريكان
الكلمة للنار و الحديد
و العدل أخرس أو جبان
صرخة جيفارا يا عبيد
في أي موطن أو مكان
ما فيش بديل
ما فبش مناص
يا تجهّزو جيش الخلاص
يا تقولو عَ العالم
خلاص

الثلاثاء، 1 أكتوبر 2013

Personality Test


Look at the tree and choose the one that is immediately most appealing to you. 
Don’t think about it too long, just choose, and find out 
what your choice says about your personality. write down your choice in the comments.
.
....
.

The results!

1. You are a generous and moral (not to confuse with moralizing) person. You always work on self-improvement. You are very ambitious and have very high standards. People might think that communicating with you is difficult, but for you, it isn't easy to be who you are. You work very hard but you are not in the least selfish. You work because you want to improve the world. You have a great capacity to love people until they hurt you. But even after they do. . . you keep loving. Very few people can appreciate everything you do as well as you deserve. 

2. You are a fun, honest person. You are very responsible and like taking care of others. You believe in putting in an honest day's work and accept many work-related responsibilities. You have a very good personality and people come to trust you easily. You are bright, witty and fast-thinking. You always have an interesting story to tell. 

3.You are a smart and thoughtful person. You are a great thinker. Your thoughts and ideas are the most important. You like to think about your theories and views alone. You are an introvert. You get along with those who likes to think and learn. You spend a lot of time, thinking about morality. You are trying to do what is right, even if the majority of society does not agree with you. 

4. You are perceptive and philosophical person. You are a unique, one soul of your kind. Next to you there's no one even slightly similar to you. You are intuitive and a bit quirky. You are often misunderstood, and it hurts you. You need personal space. Your creativity needs to be developed, it requires respect of others. You are a person who clearly sees the light and dark sides of life. You are very emotional. 

5. You are self-assured and in charge. You are very independent. Your guiding principle in life is 'I'll do it my way.'. You are very self-reliant and know how to stay strong for yourself and the people you love. You know exactly what you want and are not afraid of pursuing your dreams. The only thing you demand from people is honesty. You are strong enough to accept the truth. 

6. You are kind and sensitive. People relate to you very well. You have many friends and you love helping them. You have this warm and bright aura that makes people feel good when they are around you. Every day, you think about what you can do to improve yourself. You want to be interesting, insightful and unique. More than anybody else in the world, you need to love. You are even ready to love those who don't love you back. 

7. You are happy and unflappable. You are a very sensitive and understanding person. You are a great listener who know how to be non-judgmental. You believe that everybody has their own journey in life. You are open to new people and events. You are highly resistant to stress and rarely worry. Normally, you are very relaxed. You always manage to have a good time and never lose your way. 

8. You are charming and energetic. You are a fun person who knows hot to make people laugh. You live in a state of harmony with the universe. You are spontaneous and enthusiastic. You never say no to an adventure. Often, you end up surprising and even shocking people. But that's just how you are. . . You always remain true to yourself. You have many interests and if something proves of interest to you, you will not rest until you acquire a profound knowledge of this area. 

9. You are optimistic and lucky. You believe that life is a gift and you try to achieve as much as possible and put this gift to the best use possible. You are very proud of your achievements. You are ready to stick by the people you care about through thick and thin. You have a very healthy approach to life. The glass is (at least) half full for you. You use any opportunity to forgive, learn, and grow because you believe that life is too short to do otherwise.

الجمعة، 13 سبتمبر 2013

مرسال لحبيبتى ♥




حبيبتى/  شرطة مايلة فـــــــــــــــــــــــرااااغ

 وهكتب ليه حروف اسمك مهو انتى فى قلبى ساكنة القلب
عارفة بقصتى وحالى.. ومين غيرك فى قلبى اكتبله مرسالى!
اما بعد ،،،،
معدتش عارف دا جوابى الكام... معدتش باحسب الصفحات ...معدتش باحسب الاقلام
معدتش باحسب اللى ضاع من الايام ..
كفاية انى بحبك بس ... وقلبك لو بقلبى حس...
او شاف حاله فى بعادك... لصلى لربه واستغفر لذنبه وصام
ويااااما فى نفسى تيجى القلب وتحنى.. ولازم تعرفى انى.. لانا عفريت ولا جنى
بحبك بس ايدى اقصر كتير منى... فامش هقدر اجبلك من الدهب كفة
واجبلك من اليقوت كفة ...ومش هقدر اجيب الوالى فى الزفة
ومش هقدر..اجيبلك بيت يموت القطر لو لف فى حماه لفة
كفاية انى بحبك مووووت وحب الناس ندامة وعار.. وحبى عكسهم عفه
ولو ترضى.. فعندى شروط ..انا طبعا بحبك موت ..ولكن بردو ليا شروط
انا عايزك تكونى فى الوريد دمه.. وتبقى فى عقلى انا همه
وتبقى ورد جوا القلب.. غيرى يشوفه يتحسر ولا يشمه
وعايز رمشك الجارح ..صراط يجرح فؤاد غيرى.. ميرحمشي
وانا اجيلك اعدى فوق صراط رمشك.. ولا اخفشى
وحتى لو وقعت فى يوم من الخضة.. اقع فى عنيكى واتوضى.. واصلى ركعتين لله
وابوس ننى العنين وامشى.. لانا طماع ولا فى طبعى الانانية ...
جناين قلبى راح تفضل ولو طااال البعاد فاتحة

بحبك قولتها بالكسرة
نفسى اسمعها بقي بالفتحة!

الثلاثاء، 13 أغسطس 2013

مطرحى الجديد!


بسافر بسافر... بهاجر بهاجر .....إمتى حاتلقى المحطة وترسى يا حاير؟.... مُر السؤال على مالوش عالسكة اخر... من مصغرى لمكبرى مسافر... بأغوى مشاوير الهوى والدنيا... والقطر واخدك فين؟؟.. القطر واخدنى بلا محطة.. وآه يا ابا.. آاااه  يابا عليا... لا دار ولا مرسى ولا صبية.. وادينى ماشى فى رحلة الشقا والرزق والترحال... كأنى سؤال.. يا هل ترى يا مطرحى الجديد ...يد القدر بتخبى إيه من بعيد؟؟..كما طفل وأنت العيد ...بأحن إليك ...قولى وطمنى ...حلاقى رزقى ولقمتى الهنية ؟؟  ولا ..نهايتى فيك ؟!


 

الاثنين، 12 أغسطس 2013

يرحم أيام زمان!



قارن بين المصريين في الخمسينات والستينات والمصريين في ٢٠١٣
قارن بين فيلم الأرض وفي بيتنا رجل مثلا
وبين عبده موته وإبراهيم الأبيض والديلر ..والكلام القبيح بقى عادى!
قارن بين حليم وبليغ وبيرم...
وبين اوكا وارتيجا وشحته...

قارن بين ثقافة وشكل ولبس وأخلاق وأسلوب وكلام ومصطلحات زمان ودلوقتى
قارن بين مستوي العمارة في وسط البلد وعمارة المسخ اللي في كل حته في مصر
قارن بين قيمة الجنيه واقتصاد وجودة منتجات زمان.. وأسعار ومنتجات واقتصاد دلوقتي
قارن بين مدرسين وتلامذة زمان
وتلامذة "عات ولاعة يا بيه أولع "
حملات "لا للتحرش" مش كفاية
الأزمة أزمة أخلاق وثقافة شعب نصه أمي وتلته بياكل من الزبالة وربعه بيطلع في إعلانات ٥٧٣٥٧ ورسالة والاورمان مش لاقي يتعالج
مثلث مدمر لأي شعب (جهل-فقر-مرض)
وللأسف غياب رهيب للدولة اللي ماشية ع التبرعات والشحاتة و"اتبرع ولو بجنيه" ... كل يوم وانت بتتفرج على التليفزيون 70% من الاعلانات -اللى مضطر تشوفها وتستنى ساعتين علشان تتفرج على برنامج مدته تلت ساعة اصلا - عبارة عن استغاثات من ناس كتيييييير اللى نفسه يتعالج والمرض قرب يموته.. واللى جعان ومش لاقى عيش حاف لولاده ..واللى بيحلم بحنفية مية نضيفة .. وبلاوى كتيييييير تخليك تستغرب ازاى دى دولة!! قد ايه الشعب ده معدم !!

 وكمان غياب اشد للتربية السليمة في البيت المصري،، إلا من رحم ربي..
إنما الأمم الأخلاق ما بقيت فإن هم ذهبت أخلاقهم ذهبوا..!!
اتفضل شوف مصر زمان.. !
 
















 
 
 
 
 
 
 
 
 
 
 

الجمعة، 2 أغسطس 2013

الحمد لله

 
عارف انت لما تحصل مشكلة فى شغلك اللى كنت مستقر فيه من زمان ومسيطر.. و تقرر فجأة فى يوم وليلة تتخلى عنه وتدور على شغل جديد وتبقى مرتبك وقلقان ومحبط و زعلان؟؟... وفى نفس اليوم يجيلك تليفونين من اتنين صحابك مش بتكلمهم من زمان ولا يعرفوا عنك حاجة ومحرج تكلمهم تلاقيهم بيكلموك جايبين لك شركتين اكبر من اللى كنت شغال فيها ؟؟ ...... هتعرف ان ربنا مهما كنت بعيد عنه مش بينساك أبداً.. وانه مهما اتظلمت مش هيسيبك الا لما ينصفك فى الاخر من حيث لا تعلم!!
.. وانه أعلم بالنوايا وما تخفى الصدور ... وانه هيستجيب لدعاء والديك الدايم ورضاهم عنك حتى وان كانت دى "الحسنة الوحيدة" اللى في حياتك هى رضاهم!!
....... يارب..انت اعلم بكل شئ .. اللهم لك الحمد كما ينبغى لجلال وجهك وعظيم سلطانك ..

الاثنين، 24 يونيو 2013

نص الطريق



صباح الخير .. النهاردة هو عيد ميلادى الـ 29 ، بالتحديد الساعة 10:05م  :)
بأشكر كل اللى هنونى واتصلوا بيا أو كتبولى .. لا تتخيلوا أنا كل سنة باستنى اليوم ده قد ايه كلامكم بيخلينى فى السما...
لكن السنة دى بالذات مش عارف ليه عندى أحاسيس كتير غريبة ومتناقضة .. بين الفرح والحزن... احساسك بأنك على أعتاب الـ30 منتهى الصعوبة ... لأن بوابة الـ30 علشان تدخلها لازم تكون حققت حاجات كتير علشان تقدر تعيش نص حياتك التانى- إن كان فيه فى العمر نص تانى-  وكمان قبل ما تبدأ تعانى من أعراض التلاتينات ، من زهايمروفصام وأضطراب وهلاوس سمعية وبصرية وأحلام يقظة ...

من كام يوم قررت أشترى كشكول أكتب فيه كشف حساب لكل المرحلة اللى فاتت ..كتبت كل الأحلام الكبيرة والصغيرة .. فوق الـ100 حلم ... وحاولت أكتب اللى اتحقق منها .. تحت بند "الأنجازات" .. لقيت أبرزها مثلا : انى لسة على قيد الحياه... إنى اتخرجت (حتى لوإنى ناقصنى كتيرماتعلمتوش).... انى مثلا بأخد مرتب (بدون ما أعمل حاجة تقريبا) .. وبأصرف اكتر من اللى بأكسبه ماتسألش ازاى! ....حاجات كدة من قبيل "انجازات مرسى" ...

أقدر ألخص لك احساسى بالظبط دلوقتى فى مثل بسيط ....
تخيل ان الأهلى بيلعب ع الكاس ومغلوب بفرق هدف و وصل للدقايق الأخيرة ... مفيش قدامه فرصة تانية غير انه يسجل هدف يتعادل علشان يقدر يكمل أشواط اضافية أملاً فى انه يكسب ...
قمة الصعوبة والتناقض ... ما بين الأمل والاصرار والطموح .... وبين الندم على ضياع الوقت والفرص ....  والتمنى بإعادة الماتش من أوله ... أكيد كنت هتغير حساباتك وخططك من الأول.. كنت هتستبعد ناس شاركوا ... وناس كتير بدلتهم بين الشوطين استغنيت عنهم وبعدها ندمت على خروجهم ... كنت هتستغل فرصك ووقتك أحسن ...
الحقيقة من المستحيل انك ترجع للخلف ....أمر واقع ، لكن على الاقل لسه فى فرصة لصنع النهاية... سواء بالنجاح او بالفشل ... وفى الحالتين مستفيد ..
بالمناسبة النهاردة 15 شعبان ... كل سنة وكل المسلمين بخير ... ولازم نفتكر حديث الرسول (صلى الله عليه وسلم) :
«يطلع الله إلى جميع خلقه ليلة النصف من شعبان فيغفر لجميع خلقه إلا لمشرك أو مشاحن»
أتمنى بجد محدش يكون زعلان منى  أو لسه شايل فى قلبه حاجة عملتها و زعلته علشان فعلا عمرى ما قصدت أزعل حد .. ولا عمرى كرهت أو شيلت من حد ....... خلونى أدخل النص التانى من عمرى وأنسوا نصى الأولانى ، علشان أنا نسيته....

 

الاثنين، 4 فبراير 2013

الأولة ثورة ::
ثورة شباب جدعان ....... اتجمعوا في ميدان ....... لا معاد ولا عنوان ....... هتفوا بسقوط فرعون ....... ورث البلد هامان !!!!!!!

والتانيه غدرة ::
غدروها ناس خاينين ....... لبسوا عباية الدين ....... إخوان وسلفيين ....... اتفقوا ويا هامان
... .......والشعب قال آمين !!!!!!!!!

والتالتة حسرة ::
علي شلالات الدم ....... علي ثورة كانت وهم ....... علي أم عايشة في غم ....... أبسط حقوقها قصاص ....... لم تلقي غير الظلم

________________________

هتف الشجــاع في الماتش ....... وساعتها كـــــنا سكــوت
العسكري ميحكـــــــــــــمش ....... قالها ومخافــــش المـوت
غضب الشيطان مسكـــتش ....... أمر الخسيـــــس هلفوت
يقتل رجـــــــــــال بالغـــــــش ....... بالغـــــــــــدر مش ببارود
رجع الشجــــــاع في النعش ....... فجر طوفان مكبــــــــــوت
علي الخسيــــــس مقدرش ....... قام حاكم الهلفـــــــــــوت
الحــــــــــــــــــــــق ميزعلش ....... دا مش قصاص مظبـــــوط

__________________________

يادي النظـــــــــام الغبي ....... بان غرضك المفضوح
شاف الجميع خطتــــــك ....... من غير ما بيها تبوح
______________

فاكر القنـــــــال عزبتــــك ....... تفرض عليه سطوتك
شكلك نسيت حبستك ....... للسجن بكـــــرة تروح
فارقنـــا يـــــا حضرتـــــك ....... مدن القنـــال حظرتك
أم الشهيـــــد عزلتـــــك ....... والصلح غيــــر مطروح
_______________

يا كل مصــــــــري حـــــر ....... خدها من جــــــدودك
لو راد عـــــــدوك شــــــر ....... بالفرقة بيســــــــودك
نشرب كاســـــــات المر ....... يضيق علينــــــا القبر
يمـــــل منــــــا الصبــــــر ....... كله فدا وجــــــــــودك

___________________________

الثورة في الإنعـــاش .............. بين الحيـاة والمــــــوت
سرقوها ناس أوباش .............. في ظلمهم طاغـــــوت
بياخدوا خيرها بلاش .............. وصوت الشهيد مكـبوت
يهتف بحق مجـــاش .............. يهتف لكن في سـكوت
الظلم مهما عــــاش .............. الحق صعب يمـــــــــوت

بقلم
أسماء السيد

الأحد، 3 فبراير 2013

حمادة .. و المر بزيادة

حادثة حمادة اكبر دليل على ان فيه قطاعين عريضين فى البلد.. الاول هما الناس اللى ممكن تبيع اى حاجة مقابل فلوس او رشوة او حتى زيت وسكر... التانى هما الناس الضعيفة الغلابى اللى مالهومش ضهر يحميهم وبيحطوا جزمة فى بوقهم ويسكتوا..... وانا اتوقع ان الشعب كله كمان شوية هيبقى عبارة عن القطاعين دول ... يا هنموت من الفقر والجهل والمرض.... يا اما مش هنقدر نفتح بوقنا بكلمة واحدة !!!
 لكن يظل هناك سؤال وجودى محورى : ياترى حمادة كان لابس عباية بكباسين ولا من غير كباسين؟؟

الجمعة، 1 فبراير 2013

احنا السبب!


احنا السبب لما بقينا مش قد المستوى الما الفساد فينا انتشر والضلال طاب واستوى...
سلط علينا ربنا اللى مايرحموش
زى الديابه المسعورين
وقام كبيرهم صاح فينا وعوى

سرقوا شقانا مصوا دماناا
كلوا البلح هما
ورمونا أحنا بالنوي

وكل واحد فينا
داق من الظلم حته
وكل واحد فينا بالنار انكوى

وبقينا زى الشحاتين
نستجدى الجيران
الى يفتح لينا بابه
واللى يقولنا تستاهلوا
جتكوا الاوى

وبقينا زى الغرقانين
لاحد فينا قدر ينطق بالشهاده
ولا حد فينا شبع
ولا حد ارتوى
دى فضفضة
 سامحونى

الاثنين، 28 يناير 2013

فى الغربة...

فى الغربة...
طبطب علي نفسك طمنها وماتخوفهاش
عرفها أن الغربة دي أيام ولازم تتعاش
واتعلم تغلب أحزانك وتعيش أيامك علشانك
واحلم بس امسك أحلامك ماتضيعهاش
واحلم علي قدك أحلام ينفع تتعاش
والجرح اللي في قلبك علِّم اعتبره ماجاش
ماتاخدش الغربة بعصبية واستني علي الفرحه شوية
الفرحه جاية .. أكيد جاية ... ماتستعجلهاش

الجمعة، 11 يناير 2013

وايه يعنى!


وايه يعنى ..خسرت اتنين تلاته صحاب!
وايه يعنى فارقت حبيبه مـ الأحباب..
محدش مات فـ يوم مـ الخوف
محدش ودّعك من غير 
ما قالك كلمتين ضايقوك ..!!
يا اما قال دى بس ظروف
وإيه يعنى فلان كارهك
مهو حقود ..!!
وايه يعنى صحيت الصبح
لقيت الحلم مش موجود!!
بإيدك مش بإيد غيرك..
تكون إنسان مهوش قاسى
لكنه بيخاف على كرامته
عشان قيمته ..
متتبعترش فـ الدنيا
فـ وسط " كلاب"..!!

الاثنين، 7 يناير 2013

خايف بس مطّمن !


فاضل ايه فـ أحلامك على الشماعه يتعلق!
وفاضل مين هنا جنبك عشان ترتاح!

وتكدب كدبه على نفسك وتتصدق
وبتقاوح عشان تنسى اللى منك راح
وخايف بس مطمن !
وعاقل بس مش هادى
وسكناك الهموم دايما
ومتعود تقول عادى!!
لواحدك بس مش قلقان
عشان ونسان ببيت فاضى
وايه باقى غير الحواديت
وصوره حاضنه وجع الحيط
ومسمار شايل الساعه
وسلك قديم لسماعه
وحلم قديم ومن يومه
حبسته فـ سجن شماعه
عشان ساكت ولا بتنطق!!

السبت، 5 يناير 2013

حبيبتى كل شئ جايز !!

 
أكيد عايز ..
ولكن بينا ميت حاجز
ومشتاقلك كما الأطفال
لحضن الأم بعد الخوف
ومش عارف
ومش قادر بجد أشوف
أكيد محتاج ..
ولكن بينا ألف ستاره
سودا هناك ..
وانا عايش بقالى عصور
كما ورده على الشباك
بتبدل من سكات وتموت
سنين بتفوت
ومش بقدر
أكيد نفسى ..
ولكن ربنا مقدر
سبيها لوقتها أحسن
حبيبتى كل شئ جايز !!


وملتومنيش عشان دايما ..
بكون خايف
لأن الخوف ده شئ عادى
بخاف مـن بكره و الأيام
لتاخدك منى فـ بعادى
ويخلص عمرى فـ الأوهام
وأموت فـ البعد عـ الهادى
فـ متلومنيش فـ يوم لما عنينا
تتقابل وأعمل نفسى مش شايف
فـ متلومنيش عشان دايما
بدارى الحب جوايا
ومش بنطق ..
عشان خايف
فـ متلومنيش عشان معرفتش
أبقالك حياه حلوه ..
انا اصلا بقيت عاجز بإنى أعيش
فـ متلومنيش