المتابعون

الأحد، 24 يونيو 2012

ايه يا بلاد يا غريبة ؟!!



فى بلد اللي يشرب بيريل يبقى راجل !... واللي يشرب سجاير يبقى بطل !، والجري نص الجدعنة والسجن فيها للجدعان !.. والممثلين فيها انبيا !..والشيوخ فيها متطرفين!.. والرقاصات فيها فلاسفة ..والمدرسين فيها متبهدلين ، والرئيس بتاعها رد سجون والاطفال فيها لعبتهم "عريس وعروسة" والشتيمة الاساسية "سب الدين" والحرامي بيعتصم علشان حقه ..والمظلوم ملوش غير دعوات ومطالبه فئوية ، والطفل فيها بقى نفسه يكبر علشان يبقى ل...عيب كورة .. مستغربين ليه من اللي بيحصل ؟ ده الطبيعي ! والثورة هيا احساس لاواعي ان فيه تغيير لازم يحصل وده بيحرك كل واحد فينا علشان يثور ، بس ف النهاية احنا كلنا موجهين فبنرجع تاني .. بيسيبونا بس هما بيقدروا يرجعونا تاني .. زي البياع لما تروحله وتشتمه وتتهمه انه حرامي ، ويسيبك تجعجع وف الاخر تمشي من غير حقك ماتاخده لانه عارف انك هترجعله تاني . خلينا نغير ما بنفسنا ، ساعتها محدش هيقدر يشتغلنا ، خلينا نبدأ بحاجات بسيطة ، خلينا منرميش زبالة ف الشارع ، خلينا منشتمش ، خلينا منصرخش ف وش بعض لو حد فينا غلط ، خلينا لو غلطنا نعترف بغلطنا .. ان الله لا يغير مابقوم حتى يغيروا ما بأنفسهم .

ليست هناك تعليقات:

إرسال تعليق