أكيد عايز ..
ومشتاقلك كما الأطفال
لحضن الأم بعد الخوف
ومش عارف
ومش قادر بجد أشوف
أكيد محتاج ..
ولكن بينا ألف ستاره
سودا هناك ..
وانا عايش بقالى عصور
كما ورده على الشباك
بتبدل من سكات وتموت
سنين بتفوت
ومش بقدر
أكيد نفسى ..
ولكن ربنا مقدر
سبيها لوقتها أحسن
حبيبتى كل شئ جايز !!
وملتومنيش عشان دايما ..
بكون خايف
لأن الخوف ده شئ عادى
بخاف مـن بكره و الأيام
لتاخدك منى فـ بعادى
ويخلص عمرى فـ الأوهام
وأموت فـ البعد عـ الهادى
فـ متلومنيش فـ يوم لما عنينا
تتقابل وأعمل نفسى مش شايف
فـ متلومنيش عشان دايما
بكون خايف
لأن الخوف ده شئ عادى
بخاف مـن بكره و الأيام
لتاخدك منى فـ بعادى
ويخلص عمرى فـ الأوهام
وأموت فـ البعد عـ الهادى
فـ متلومنيش فـ يوم لما عنينا
تتقابل وأعمل نفسى مش شايف
فـ متلومنيش عشان دايما
بدارى الحب جوايا
ومش بنطق ..
عشان خايف
فـ متلومنيش عشان معرفتش
أبقالك حياه حلوه ..
انا اصلا بقيت عاجز بإنى أعيش
فـ متلومنيش
ومش بنطق ..
عشان خايف
فـ متلومنيش عشان معرفتش
أبقالك حياه حلوه ..
انا اصلا بقيت عاجز بإنى أعيش
فـ متلومنيش

ليست هناك تعليقات:
إرسال تعليق