المتابعون

الاثنين، 12 أغسطس 2013

يرحم أيام زمان!



قارن بين المصريين في الخمسينات والستينات والمصريين في ٢٠١٣
قارن بين فيلم الأرض وفي بيتنا رجل مثلا
وبين عبده موته وإبراهيم الأبيض والديلر ..والكلام القبيح بقى عادى!
قارن بين حليم وبليغ وبيرم...
وبين اوكا وارتيجا وشحته...

قارن بين ثقافة وشكل ولبس وأخلاق وأسلوب وكلام ومصطلحات زمان ودلوقتى
قارن بين مستوي العمارة في وسط البلد وعمارة المسخ اللي في كل حته في مصر
قارن بين قيمة الجنيه واقتصاد وجودة منتجات زمان.. وأسعار ومنتجات واقتصاد دلوقتي
قارن بين مدرسين وتلامذة زمان
وتلامذة "عات ولاعة يا بيه أولع "
حملات "لا للتحرش" مش كفاية
الأزمة أزمة أخلاق وثقافة شعب نصه أمي وتلته بياكل من الزبالة وربعه بيطلع في إعلانات ٥٧٣٥٧ ورسالة والاورمان مش لاقي يتعالج
مثلث مدمر لأي شعب (جهل-فقر-مرض)
وللأسف غياب رهيب للدولة اللي ماشية ع التبرعات والشحاتة و"اتبرع ولو بجنيه" ... كل يوم وانت بتتفرج على التليفزيون 70% من الاعلانات -اللى مضطر تشوفها وتستنى ساعتين علشان تتفرج على برنامج مدته تلت ساعة اصلا - عبارة عن استغاثات من ناس كتيييييير اللى نفسه يتعالج والمرض قرب يموته.. واللى جعان ومش لاقى عيش حاف لولاده ..واللى بيحلم بحنفية مية نضيفة .. وبلاوى كتيييييير تخليك تستغرب ازاى دى دولة!! قد ايه الشعب ده معدم !!

 وكمان غياب اشد للتربية السليمة في البيت المصري،، إلا من رحم ربي..
إنما الأمم الأخلاق ما بقيت فإن هم ذهبت أخلاقهم ذهبوا..!!
اتفضل شوف مصر زمان.. !
 
















 
 
 
 
 
 
 
 
 
 
 

هناك تعليق واحد:

  1. الله يرحم ايام زمان ،،
    والله يستر من اللي جاي

    ردحذف