المتابعون

الخميس، 13 ديسمبر 2012

ليه "لأ" ؟


الأخوان ومؤيدينهم ماشيين على خط معين مش بيخرجوا عنه مهما اختلفت الاحداث ومش قادرين يقيّموا كل موقف بعيد عن الخط العام فهو مستعد لرفض المواقف الصحيحة لمجرد انها صادرة من خصمه السياسي و تأييد كل قرار للرئيس من قبل ما يعلنه ..وتأييد الغاؤه كمان يعنى!!  :)
طبعا من حق أى حد انه ينزل يقول "نعم" او ينزل يقول "لا" ..ولكن بدون اى تجريح او تخوين او استخدام للدين او التكفير .
وانا شايف ان مش الدستور لوحده اللى هينهض بالبلاد، وانما العبرة بالقوانين اللي بتصدر موافقة لهذا الدستور..وبرضه القوانين وحدها مش هتنهض بالبلاد، انما العبرة بتطبيقها على الرئيس مثله مثل ابسط مواطن..
 في استفتاء مارس 2011 كلنا عرفنا الصفقة اللى تمت باسم نصرة الشريعة والاستقرار وكانت النتيجة (نعم).. وللحظة دى ماشوفناش استقرار ولا شريعة .. ولا اللى قالوا نعم دخلوا الجنة..ولا حتى النار!!
فى استفتاء ديسمبر 2012 اصبح عند الغالبية فينا مجرد "عِند" في الطرف التانى فاصبحت "نعم" هي تأييد للاسلامين واللى معتقدين ان جبهة المعارضة ناس كفار ضد الدين وملحدين وخايفين من شرع الله ....و"لا" هي تأييد للمعارضة واللى ضد الاخوان..


 

نعم للدستور مش هاتودينا للاستقرار علشان المعارضة مستحيل تسكت على حقها ومش هتسيب الاخوان يعملوا كل حاجة  فى البلدعلى كيفهم...
وحتى "لا"  ممكن تودينا لتاسيسية ذات اغلبية اسلامية والاخوان زى ما سيطروا اللجنة دى اظن انهم ممكن يسيطروا فى انتخابات اللجنة اللى هاتنتخب لو النتيجة "لا"..لكن على الاقل هيبقى فيه فرصة اننا ننتخب اللى يمثلنا صح.. ونحتكم للصناديق بقى على نضيف!!

وعلى فكرة نعم للدستور ليست حكرا على التيار الاسلامى.. ولا نعم هى اللى هتنصر الشريعة.. ولا ليها علاقة بدخول الجنة..ولا الاخوان او السلفيين هم الاسلام وحدهم!!... كلنا مسلمين موحدين لله!! وكلنا نتمنى الاستقرار  والعدالة وتطبيق شرع الله !!


انا ليه هقول "لا" ... ؟

نفكر بعقل شوية : انا لو قولت "لا" وابطلت الجمعية
التأسيسية و الدستور دا ... هقدر انى انزل وانتخب جمعية تأسيسية تعملى دستور جديد وهبقى انا وكل مواطن مشارك فية ... يعنى الرئيس محمد مرسى قال فى الاعلان الاخير ان النتيجة لو جت بــ" لا "... هيتم عمل أنتخابات على أختيار أعضاء التأسيسية اللى هيمثلونا فى الدستور الجديد و بكدا هبقى قدرت اعمل لجنة تعملى دستور انا مشارك فية و أكيد مش هتبقى عليها اعتراض زى ماهو وموجود دلوقتى لأنها هتبقى منتخبة من الشعب و كل واحد نزل واختار عضو فيها هيمثلة ... دا غير الجمعية اللى موجودة دلوقتى اللى اغلبيتها "أخوان" ومحدش أختارهم انهم يمثلوه ... لا دا قيادة هى اللى اختارت الناس دى ... و هيتم عمل دستور يتوافق علية كل المصريين بلجنة منخبة وليست مختارة من قيادة بعينها او اغلبيتها لحزب او تيار معين ... وكمان مش هيبقى فيها حاجه اسمها عضو ينسحب من التأسيسية او نص اعضائها ينسحبوا زى المهزلة اللى حصلت فى التأسيسية الموجوده دلوقتى اللى علشان يكملوا أعضائها جابوا من الأحتياطى ... دا كل واحد هيبقى مختاره ناس كتير و هيبقى علية حمل كبير يجبره انه يشارك حتى انتهاء عملها .

ودا رأيى مع أحترامى لأى رأى تانى .. وعلشان كدا هانزل واقول " لا " :)


 


 

ليست هناك تعليقات:

إرسال تعليق